Hjorthols Julecombo (lørdag)//Vesle kinn

Bing Crosby, Nat King Cole, Frank Sinatra og Michael Bublé er alle kjende «crooners» som set sterkt musikalsk preg på julehøgtida verda over. Fredag 19. og laurdag 20. desember kan du høyre Florø sin eigen crooner, Magnus Hjorthol, og hans eminente kvartett servere høgdepunkt frå denne skattekista av swingande og lekker julejazz. Nytt av året er at du også får heilt nykomponert julejazzmusikk – på Florødialekt – i tillegg til dei gode gamle klassikarane!  Ta fri frå julestria, og kom inn og kos deg med «Hjorthols Julecombo»: Magnus Hjorthol – song, Jorunn Bakke Nydal – piano, Jørn-Lasse F. Refsnes – gitar, Raimund Hoclas – bass og Benjamin Sagebø – trommer. Velkommen inn i julestemninga!