Spleiselag med Tønes

Arrangementsinformasjon

Alle har hatt nokre merkelege år bak seg.

Tønes la 2020 og 2021 bak seg med teaterstykke, juleforestilling for 12 utsolgte hus og plateinnspeling på merittlista. Turen gjekk til 16 kulturhus i ein smittevernfokusert intimsetting, der ukulele blei ein svært sentral del av settet.

Når det no er opna igjen er det stas å kunne invitere til fullskala Tønes-konsert med ny plate i bagasjen, fortsatt mulegheit for ukulele og kanskje også fortsatt med gensaren bak fram. Denne kvelden har Tønes med seg Anne Lise Frøkedal (Frøkedal & Familien, I Was A King, Harrys Gym).

Tønes heiter eigentleg Frank Tønnesen, kjem frå den vesle staden Sokndal i Rogaland og er ein av landet sine beste låtskrivarar og tekstforfattarar. I tekstane brukar han Sokndal-dialekt og fortel underfundige og humoristiske historier om små og store ting.


Den siste plata «Thilda Bøes Legat» blei gitt ut 8. oktober og fekk kjempebra tilbakemeldingar i det ganske land:

"Tønes synger om de små ting på stort vis.», Dagbladet, terningkast 6

"Musikalsk er dette Tønes på sitt beste, og resten står i stil.», Stavanger Aftenblad, terningkast 6

«..Tønes en mester til å skape disse små, sinte og lett gjenkjennelige stilbildene fra en bygd nær oss alle.», Aftenposten, terningkast 5

Restriksjoner

Solgte billettar blir ikkje refunderte.
Ca. halvparten sitteplassar, resten ståplassar. Første mann til mølla:)