The Red Barn // Vesle Kinn

Det spennende vestlandsbandet The Red Barn slapp nettopp sitt etterlengta debutalbum den 25.10.2024 via Musicwelike Records. The Red Barn er eit friskt pust i jazzverda då dei utforskar ulike sjangrar og trekk inspirasjon frå ei rekke musikalske tradisjonar. Med bakgrunn frå jazz, folkemusikk og americana, skaper bandet eit unikt og fengande uttrykk som appellerer til eit breitt publikum. Allereie har bandet mottatt eit titals anmeldingar og høge lyttartal. I det velkjente franske bladet Le-grigri blei dei trekt fram som månadens album i november 2024.

 Bandet består av musikarane Kåre Opheim (Real Ones, Sigrid Moldestad) på trommer, Toivo Fjose (Havene, Terje Isungset) på komposisjon og bass, Mathias Marstrander (Treverket, Molecules) på komposisjon, gitar og pedal steel og Aksel Røed (General Post Office, Spidergawd) på komposisjon og saksofonar. The Red Barn ble spelt inn over tre dager i Norsk Riksstudio av Njål Paulsberg, august 2023. Plata er miksa av Njål Paulsberg og mastra av Jørgen Træen. Med lyttevennlege komposisjonar som grunnlag, fann musikarane enkelt saman og danna eit musikalsk uttrykk som bærer preg av leikenheit, tolmod og eit stort fokus på å bygge den musikalske grunnidéen.